*Wo Jazboon Ki Tijarat Thi Yeh Dil Kuch Or Sumja*

*Wo Jazboon Ki Tijarat Thi Yeh Dil Kuch Or Sumja*

Wo Jazboon Ki Tijarat Thi Yeh Dil Kuch Or Sumja Tha
Usay Hansnay Ki Adat Thi, Yeh Dil Kuch Or Sumja Tha

Mujhe Us Ne Kaha Ao Nai Duniya Basatay Hain
Usay Sooji Sharat Thi, Yeh Dil Kuch Or Sumja Tha

Hamesha Us Ki Ankhon Main Dhanak Se Rang Hotay Thay
Yeh Us Ki Aam Halat Thi, Yeh Dil Kuch Or Sumja Tha

Wo Mere Pass Bhethi Dair Tak Ghazlain Meri Sunti
Usay Khud Se Mohobaat Thi, Yeh Dil Kuch Or Sumja tha

Mere Kandon Py Sir Rakh Kar Kahein Kho Gai Thi Wo
Yeh Ek Waqti Anayat Thi, Yeh Dil Kuch Or Sumja tha

Mujhe Wo Dekh Kar AKsar Nigahain Phair LAITI Thi
Yeh Dar-Parda Haqarat Thi, Yeh Dil Kuch Or Sumja Tha